Қазақстан Республикасының ұлы мерекесі -Тәуелсіздік күніне арнап театр артистері қала тұрғындарына ән кешін сыйлады. Концерт бағдарламасында Отанды, Туған елді,Тәуелсіздікті, Халықтар достығын паш ететін қазақтың халық әндері, әлем композиторларының классикалық шығармалары және жаңа заманның сазды әуендері шырқалды.

фотолар

 

   Театрда драматург М.Хасеновтың «Пай-пай, жас жұбайлар-ай!» комедиясының премьерасы болды. Қойылымды сахналаған театрдың жас режиссері Жангелді Садыков. Спектакльде театрдың кілең жас актерлері ойнайды.

-  - 1 20171216 1334640593фотолар

 

Қазақтың көрнекті акыны, Дж.Неру атындағы халықаралық сыйлықтың иегері, жерлесіміз Аманжол Шамкеновтың туғанына 90 жыл толуына байланысты шығармашылық кеш өткізілді. Кеште, А.Шамкеновтың драматургиялық туындысынан көріністер көрсетілді, ақынның сөзіне жазылған әндер орындалды.

Толығырақ...

Ж.Аймауытов атындағы қазақ музыкалы драма театры қайғылы жағдайға ұшырады. Театр басшысы, Қазақстанның еңбек сіңірген қайраткері Байжұманов Мұхтар Хамитұлы, 59 жасқа қараған шағында, кенеттен дүниеден озды.
Марқұммен қоштасу Ж.Аймауытов театры ғимаратында, дүйсенбі, 27 қарашада сағат 9.00-де болады.

Театр фестивальге қатысады

      Қазан айының 24-26 күндерінде театр Ақсу қаласы мен Павлодар ауданының тұрғындарына К. Жүнісовтің «Ғашықтар хикаясы» комедиясын, жасөспірім мен балаларға арнап О. Әубәкіровтың «Қожа мен спорт» қойылымын көрсетті.

   8-12 қараша аралығында Жезқазған қаласында С.Қожамқұлов атындағы Жезқазған қазақ музыкалы-драма театрының 45-жылдық мерейтойы аясында Қазақстанның еңбек сіңірген қайраткері, «Тарлан» сыйлығының лауреаты, танымал режиссер Жанат Хаджиевке арналған театрлар фестиваліне қатысады. Фестивальде көрсетілетін қойылым Е. Төлеубайдың «Оян, қазақ! Ойлан, қазақ!» трагедиялық драмасы. Бұл спектакльде кезінде Жанат Хаджиев қойған еді. Театр ұжымына сәт-сапар тілейміз!

    13-16 қараша күндері театр Қарағанды қаласында гастрольдік сапармен болады. Қарағандық театр өнерін сүйетін қауымға «Ғасыр қасіреті» драмасы, К. Жүнісовтің «Ғашықтар хикаясы» музыкалық комедиясы және балаларға арналып «Алдар көсенің дүрбісі» ертегісі ұсынылады.

Театрда кезекті премьера

- 1 20171022 1746911577Ж.Аймауытов атындағы театрда Ш.Айтматовтың «Ақ кеме» драмасының премьерасы болып өтті. Қоюшы-режиссер Ербол Абжалов. Басты рольдерді театрдың тәжірибелі актерлері Бейбіт Шәнім, Рәуза Тәжібаева, Жұмақан Доспаев, Талжібек Атамбек, Бахаргүл Құрбанова, Гүлжанат Омарова, Бекболат Оқасов, Руслан Нұғманов, Медет Садығазин және жас артистер Еркежан Төлеубек, Ақтілек Ақдәулет, Аида Садықова, Ақсұлтан Әнуәрбек және басқалары орындады.

толығырақ

Мұхтар Әуезовке арналады

Ж.Аймауытов атындағы театрда қазақтың көрнекті жазушысы М.Әуезовтың 120 жылдығы аясында «Айсыз түнде жарық ай» атты моноспектакль ойналды. Қойылымда Абайдың бейнесін сомдап, қара сөздерін көркем нақышына келтіріп Даниял Әсенов оқыды, театр әртістері Т.Атамбек, Г.Қайырбекова, А.Таспаева. Ә.Сүлейменова, А.Садыкова, А.Хабеп ұлы ақын сөздеріне жазылған әндерді шырқады.
Қойылымды тамашалаған Павлодар облысының әкімі Болат Бакауов, мемлекет және қоғам қайраткері Мұрат Әуезов, Қазақстанның Парламент Мәжілісі және Сенат депутаттары театр артистерінің өнерлеріне жоғары баға берді.

фоторепортаж

 

Ардагерлерге құрмет

Ж.Аймауытов атындағы қазақ театрында өнер ұжымының ардагерлеріне арнап кеш өткізіп, құрметтеп, сый-сыйапат жасады.

     -2017 . 3     -2017 . 1

     -2017 . 2     -2017 . 4     -2017 . 5

Болашаққа бағдар: Рухани жаңғыру

2017 ж. 4 қазанда Ж. Аймауытов атындағы қазақ музыкалы драма театрының ұжымы Елбасы, ҚР Президенті Н.Ә.Назарбаевтың «Болашаққа бағдар: Рухани жаңғыру» мақаласының тарихи мәні зор реформа мен экономикалық, рухани жаңғыру бағдарламасының орындалу барысы жәйін әңгіме етіп, өнер адамдары алдында тұрған мақсаттарды талқылады. Жиында Қазақстанның еңбек сіңірген қайраткері Мұхит Омаров, ҚР мәдениет қайраткері Талжібек Атамбек, ҚР Тұңғыш Президенті қорының лауреаты Бекболат Оқасов және т.б. мақаланың қоғамдық сананы ауқымды жаңғырту жобасы екенін атап өтті. Мақала қоғамдық-саяси және мәдени-ағартушылық жобалар ретінде бірқатар шаралардан тұратыны және оларды орындау барысында атқарылып отырған ұлағатты істер жайында сөз өрбіді.

Толығырақ...

Жұмат Шанин мерейтойы кеңінен аталып өтті

     22-23 қыркүйекте Павлодар облысында Қазақстанның халық артисі, режиссер, драматург Жұмат Шаниннің 125 жылдық мерейтойы кеңінен аталып өтті. Мерекелік шараларға құрметті қонақ ретінде Ж.Шаниннің немересі Болат Шанин және шөбересі Тоғжан Шанина қатысты.

     С.Торайғыров атындағы мемлекеттік университетте Республикалық ғылыми практикалық конференция өтті. Кешкісін Ж.Аймауытов атындағы қазақ музыкалы драма театрында Ж.Шаниннің «Арқалық батыр» трагедиялық драмасының көрсетілімі болды.

     Ертеңінде мерейтойлық шаралар Ж.Шаниннің туған жері Баянауылда жалғасып, Республикалық ақындар айтысы өтті.

фоторепортаж

 

28-ші маусым ашылды

    Жүсіпбек Аймауытов атындағы Павлодар облыстық қазақ музыкалы драма театрының 28-ші маусымы У.Гаджибековтың «Ашын мал алан» музыкалық комедиясымен ашылды. Көрермен қауымын және театр ұжымын Павлодар облыстық мәдениет, архивтер және құжаттама басқармасының басшысы Райымбеков Ардақ Татымбекұлы және театр басшысы Байжұманов Мұхтар Хамитұлы жылы құттықтап, жаңа маусымда шығармашылық табыс тіледі.