Ақ-Сұлтан Ерсейтұлы Әнуарбек «Үміт» дипломымен марапатталды.

Нұр-Сұлтан қаласында өткен «Сахнагер-2019» Ұлттық театр сыйлығының салтанатты рәсімінде театрымыздың талантты актері, «Үздік жас маман» төсбелгісінің иегері Ақ-Сұлтан Ерсейтұлы Әнуарбек «Үміт» дипломымен марапатталды.

Құрметті Ақ-Сұлтан Ерсейтұлы!
Қазақ театр өнеріне өзіндік үлес қосып, тынымсыз еңбек етіп келесіз! Осы ретте, алған марапатыңызбен шын жүректен құттықтаймыз!
Сізге шығармашылық табыс, еңбекте тек қана жеңістер тілейміз!

Барша Қазақстандық театр майталмандарын алған марапаттарымен құттықтаймыз!
Жеңісті, жемісті күндеріңіз көп болсын әріптестер!
Құрметпен, театр ұжымы!

Жақсылықтың жаршысы

Бүгін, М.Ладоның "Болмаған оқиға" /реж:Ә.Оразбеков/ қойылымы соңында жиналған көрермен игі істің куәсі болды. Тәуелсіздік күні қарсаңында "Харекет" қайырымдылық қорының ұйытқысымен, Павлодар қаласының тұрғыны, алты баланың анасы Зұхра ханымға пәтер кілті табыс етілді. Елімізге танымал,
"Харекет" қорының аманатын театр басшысы Арман Темірбек орындап, пәтер иесін бүгінгі қуанышымен құттықтады.

Жақсылыққа жаны құштар оқырман!
Жүрегімізді жылытып, жақсылық жасап жарысайық!

Павлодар мемлекеттік университетінің ректоры театр ұжымын құттықтады

Ж.Аймауытов театрының туған күніне орай, Павлодар мемлекеттік  университетінің ректоры Мейрам Мұхаметрақымұлы Бегентаев театр ұжымын  құттықтап, театр қызметкерлеріне алғыс хат табыс етті. Сондай-ақ, театр ұжымына арнап,  университеттен он магистратурамен, салынып жатқан жатақханадан он орын дайын екендігінде жеткізді.

Мерекелік марапаттаулар

IMG-20191211-WA0002

Театр туған күніне орай, Павлодар облысы мәдениет, тілдерді дамыту және архив ісі басқармасының басшысы Ернұр Нұрланұлы Дәуенов, бірқатар театр әртістерін Құрмет грамотасымен марапаттады.

Толығырақ...

Театр күнімен құттықтаулар

Театр туған күні қарсаңында

Театрдың туған күні қарсаңында театр басшылығы, театрымызға ақпараттық қолдау көрсетіп, жаңалығымыздың жаршысы айналған БАҚ өкілдерімен кездесу өткізді.

Кездесу басында театр басшысы Арман Темірбек: -Біздің қандайда бір жаңалығымдызды халыққа жедел және сапалы таратуда маңыздарыңыз орасан. Мәдениет хабаршысына айналып, бізбен әріптестік байланыс орнатқандарыңыз үшін, театр ұжымы атынан алғыс білдіремін. Осы ретте, еңбектеріңізге жеңіс тілеймін" - деді.

Сондай-ақ, БАҚ өкілдеріне театр атынан разылығын жеткізіп, алғыс хат табыс етті.