Жүсіпбек Аймауытов атындағы Павлодар облыстық
қазақ музыка-драма театры 10-13 сәуір аралығында
Алматы қаласында гастрольдік іс-сапарда!
Өтетін орны: Ғабит Мүсірепов атындағы қазақ мемлекеттік
академиялық балалар мен жасөспірімдер театры.
Билеттер театр кассасында және https://ticketon.kz/kz/pavlodar/theatres сайтында!
Театр басшысы Арман Темірбек.
Театрдың көркемдік жетекшісі Жуасбек Ерлік Тілеуқұлұлы.
Театрда жүздескенше талғамы биік көрермен!
Байланыс телефоны: 8-(727)-271-42-37; 8-775-368-22-71

Қадірлі қара Ертістің арда Елі!
Қыстан қысыла шыққан Жер ананың бауыры жібіп, адамзаттың аузы аққа жетіп, өрісі малға, өмірі  шаттыққа толған Ұлыстың Ұлы күні Наурыз мерекесімен сіздерді құттықтаймыз.
Сан ғасырлар бойы тойланып келе жатқан ата-дәстүріміз
театрда жалғасын таппақ.

22 наурыз, сағат 10:00 де, ТЕАТР АЛДЫНДА сіздерді күтетін боламыз!
Келіңіздер, көріңіздер дүбірлі тойымыздың құрметті қонағы болыңыздар!!!

 

Италияндық драматург Карло Гольдонидің қаламынан туындаған  «Венециялық егіздер» қойылымы, екі бөлек отбасында тәрбие алған, мінездері бір-біріне қарама-қайшы егіздер, Дзанэтто мен Тониноның тағдыры жайында болмақ. Венецияға қалыңдық іздей келген екеуін шатастырған өзге жұрттың іс-әрекеттері еріксіз күлкі тудырады. Махаббаттың машақаты  қала тұрғындарын әбігерге салып, оқиға одан әрі шиеленісе түседі. Тағдыр тәлкегіне түскен егіздердің тағдыры не болатынын бірге тамашалайық.

 

Белгілі драматург театр сыншысы Еркін Тілеуқұлұлы

2 ақпан мен 7 ақпан аралығында театрымызда болды

Ғабит Мүсірепов атындағы Қазақ Мемлекеттік Академиялық балалар мен жасөспірімдер театрының көркемдік жетекшісі, белгілі драматург, театр сыншысы, Еркін Тілеуқұлұлы  2 ақпан мен 7 ақпан аралығында театрымызда қонақта болды. Театрымыздың даму үдерісін тілге тиек етіп, сахнадағы репертуар саясатының бағыт-бағдарын айқындады. Е.Тілеуқұлұлының қойылымдарға жасаған сараптамалары  актёрлерімізді қанаттандырып, теориялық біліктіліктерін одан әрі жетілдіре түскені анық. Қоғамдағы өзекті мәселелердің алдағы уақытта сахнаға көтерілу турасында тың ойларымен бөлісіп, труппаның көкей кесті сұрақтарына толыққанды жауап берді. Жүсіпбек Аймауытов атындағы Қазақ музыка-драма театрының ұжымына сәттілік тілей отырып, ұлт руханиятына сүбелі үлес қосатынына сенім білдірді.  Сондай-ақ, театр ұжымы салттан жаңылмай қонағымызға шапан жауып, риясыз алғыстарын жаудырды. Кеш соңында естелік суретке түсіп, қимастықпен тарқастық.

Толығырақ...

Ескерткіш алдында

Ж.Аймауытов атындағы театры артистері Павлодар қаласы №17 мектебінің шәкірттерімен біріге отыра, қазақтың көрнекті жазушысы, драматург, мемлекет қайраткері Жүсіпбек Аймауытовтың ескерткіші алдында "Рухани жаңғыру" бағадарламасы аясында "Әр ескерткіштің өз тарихы бар" атты шара өткізді. Театр актері Бауыржан Манатбекұлы Жүсіпбек Аймауытовтың өмірбаянымен таныстырды, театр алдында ескерткішті орнату тарихынан сыр шертті. Мектеп оқушылары өз кезегінде жазушы-драматургтің шығармаларынан үзінді оқыды

Ж.Аймауытов атындағы атындағы қазақ театрында итальян драматургі Альдо Николаидың "Күзгі оқиға" қойылымының премьерасымен 28 театр маусымының ресми жабылуы болды.

 

 

Бүгін, 31 мамыр - Саяси қуғын-сүргін құрбандарын еске алу күні Жүсіпбек Аймауытов атындағы қазақ театрының ұжымы Жүсіпбек Аймауытов ескерткішіне гүл шоқтарын қойып, тағзым етті.

Толығырақ...