ПРЕМЬЕРА!
Облысымызда алғаш рет, Ж.Аймауытов театры сахнасынан
қуыршақ қойылымы балаларға жол таратады.

ОЙЫНШЫҚТАР
3-наурыз

12:00
13:00
Авторы, қоюшы-режиссері: Айдын Салбан

Театр - адамның сан құбылмалы ойына қозғау салар, көрерменнің жан-жүрегін елжіретіп, күйбең тірліктен бір сәтке арашалайтын киелі орын. Сахна - тағдырлар тоғысқан ізгілік кеңістігі. Актер - руханият жауынгері һәм мәдениет майдангері.

Театр - ұжымдық өнер.
Сахна сыртының сырлы әлемі ұйымшылдық пен бірлікте күн кешіп, қат-қабат, қызу өмір сүруде. Сізге беймәлім сахна артындағы қайнаған өмір, еңселі еңбек, бәрі сіздер үшін. Бір мақсат, бір мүдде, бір болашақ біздің басты құндылығымыз.
Өз ісін құрметтейтін, өз мамандығын сүйетін жандардың ұйымдасқан ортасы - театр. Біз күшпіз! Біз біргеміз!

Абай мен театр және қоғам арасында байланыс!

Мемлекет басшысы Қасым-Жомарт Тоқаевтың "Абай және ХХІ ғасырдағы Қазақстан" атты мақаалсында ақын, ағартушы, философ, ойшыл, хәкім Абай Құнанбайұлының 175 жылдығына орай, Абай мұрасын кеңінен насихаттауға үлкен мән беріліп отыр. 

Бұл игі бастама бізді бей-жәй қалдырмасы анық. Осы ретте Ж.Аймауытов театры М.Әуезовтың "Абай жолы" роман-эпопеясының желісімен "Жас Абай" /реж: Ә.Ақанов/ қойылымын сахналамақшы. Абай мен театр және қоғам арасындағы байланысты арттыру мақсатында әлеуметтік саулнама жүргізіп көргенбіз. 

Назарларыңызға ұсынамыз.

 

Қазақстан Театрлар Ассоциациясының қолдауымен, Т.Қ.Жүргенов атындағы Қазақ Ұлттық Өнер академиясының «Сахна пластика» кафедрасының оқытушысы, кино және театр актері, каскадер Жалынбек Ахан «Қазақтың тарихи қаруы – бес қару негіздері және театрлық семсерлесу өнерінің қыры мен сыры» тақырыбында шеберлік сағатын ойдағыдай, үздік нәтижемен тәмамдады. Шеберлік сағатта театр актерлері тыныс алу тәсілдерімен, сахналық қимыл-қозғалыс мәдениетін тереңнен меңгеріп, шеберліктерін жетілдірді.

Сондай-ақ, кәсибілігін арттырған актерлерге Қазақстан Театрлар Ассоциациясының арнайы сертификаты табыс етілді.

Осы ретте, Қазақстан Театрлар Ассоциациясына және Жалынбек Аханға театр ұжымы атынан алғысымызды білдіреміз.

Құрметті көрермен!
Ж.Аймауытов театры алғаш шымылдығын түргеннен бүгінге дейін біршама жетістіктерге жетті. Сіздердің назарларыңызға 2019 жылда атқарған бірқатар жұмыстарына бейне шолуын ұсынуды жөн санап отырмыз. Бізбен бірге болып, қолдау көрсеткендеріңіз үшін театр ұжымы атынан алғыс айтамыз! 2019 жыл театр үшін жемісті әрі жеңісті жылдың бірі болды. Осы жылдар аралығында театр имиджі үшін маңызды жұмыстар орындалды. Театр өз кезегінде Ертіс-Баян өңірінің өнерін насихаттап, абыройын асқақтату үшін біршама қызметтер атқарды. Алдағы 2020 жылдан күтер үмітіміз мол.Алдағы уақытта жаңалықтарымызды сіздермен міндетті түрде бөлісіп отыратын боламыз! Бізбен бірге болыңыздар!

Түсіністікпен қарауларыңызды сұраймыз!

Сұрақтар бойынша төмендегі нөмірге хабарласыңыздар:

8(705)3433305

8(775)3682271

ЖАҢА ЖЫЛ -2020!!!

Құрметті балалар және ата-аналар!

Сіздерді Ж.Аймауытов атындағы Павлодар облыстық қазақ музыка-драма театры,
22-30 желтоқсан аралығында сағат 10:00-де, 12:00-де, 14:00-де, 16:00-де,
Нұркен Тұрлыбектің "Ұрланған жаңа жыл" атты балалар қойылымына және театр фойесінде өтетін ертеңгілікке шақырады!
Жаңа жылды естен кетпестей етіп қарсы алғыларыңыз келсе, театрда кездесейік балақайлар!

Билеттер театр кассасында және тикетон.кз сайтында сатылады! Байланыс телефоны: 8(7182) 31-02-09 8-775-368-22-71 8(7182) 62-27-57 Онлайн сатып алу #Тикетон арқылы жүзеге асырылады.

Нұр-Сұлтан қаласында өткен «Сахнагер-2019» Ұлттық театр сыйлығының салтанатты рәсімінде театрымыздың талантты актері, «Үздік жас маман» төсбелгісінің иегері Ақ-Сұлтан Ерсейтұлы Әнуарбек «Үміт» дипломымен марапатталды.

Құрметті Ақ-Сұлтан Ерсейтұлы!
Қазақ театр өнеріне өзіндік үлес қосып, тынымсыз еңбек етіп келесіз! Осы ретте, алған марапатыңызбен шын жүректен құттықтаймыз!
Сізге шығармашылық табыс, еңбекте тек қана жеңістер тілейміз!

Барша Қазақстандық театр майталмандарын алған марапаттарымен құттықтаймыз!
Жеңісті, жемісті күндеріңіз көп болсын әріптестер!
Құрметпен, театр ұжымы!

Бүгін, М.Ладоның "Болмаған оқиға" /реж:Ә.Оразбеков/ қойылымы соңында жиналған көрермен игі істің куәсі болды. Тәуелсіздік күні қарсаңында "Харекет" қайырымдылық қорының ұйытқысымен, Павлодар қаласының тұрғыны, алты баланың анасы Зұхра ханымға пәтер кілті табыс етілді. Елімізге танымал,
"Харекет" қорының аманатын театр басшысы Арман Темірбек орындап, пәтер иесін бүгінгі қуанышымен құттықтады.

Жақсылыққа жаны құштар оқырман!
Жүрегімізді жылытып, жақсылық жасап жарысайық!