Н.Гогольдің "Ревизор" комедиясының премьерасына шақырамыз!

Құрметті, театр сүйер көрермен! 

Көптен күткен қауышуға санаулы күндер қалды!

Сіздерді, 14,15 қыркүйек, сағат 18:30-да, Ж.Аймауытов театрының мерейлі 33-ші маусымының ашылуына орай өтетін, Н.Гогольдің "Ревизор" комедиясының #премьерасына шақырамыз!

Н.Гогольдің "Ревизор" туындысы адам баласына тән парақорлық, қазына мүлкін жымқыру, жағымпаздық, шенге бас ұру, алаяқтық сияқты қоғамға теріс пиғылдарды өткір сынайды. Қанша уақыт өтсе де, бұл кемшіліктер түзелмей, тіпті өміршең болып барады. Спектакль режиссері Әділет Ақанов бұл қойылым арқылы аталмыш мәселелерге өзіндік тұрғыдан жауап іздейді.

Күлдіре отырып, қоғамдағы ащы шындықты еске алуға, және онымен күресуге үндейді.

Біз Сіздерді асыға күтеміз, патша көңілді көрермен!

Театрға карантиндік талаптар сақтала отырып, #Ashyq мобильді қосымшасы арқылы кіргізіледі.
Маска режимін естен шығармауларыңызды сұраймыз!

Ұжымымыз жас мамандармен толығуда

photo 2021-10-28 13-47-14

Театрдың "Драма әртісі" қызметіне

Алматы қаласындағы Ж.Елебеков атындағы Республикалық эстрада-цирк колледжінде Садыбеков Нұржан, Малимова Асия сынды ұстаздардың шеберханасынан "Драма театрының әртісі" мамандығы бойынша тәмамдаған
Айжан Түсүпбекова,
Алина Скакова,
Айкүн Бодаубек,
Мейіржан Жақыпбеков
Жақсылық Әбдіраш
Жасұлан Әмірхан,

сондай-ақ, "қоюшы суретші" қызметіне Т.Жүргенов атындағы Қазақ Ұлттық Өнер академиясының "сценография" мамандығы бойынша түлегі Ұлықпан Рауан қабылданды.

Құрметті Жас мамандар!

Сізге шығармашылық шабыт, еңбекте толағай табыстар тілейміз!
Құрметпен, театр ұжымы!

Самал Балғабайқызы театр жастарымен кездесу өткізді

Павлодар облысы мәдениет, тілдерді дамыту және архив ісі басқармасының басшысы Самал Балғабайқызы театр жастарымен кездесу өткізді.

Кездесу барысында жастардың көкейкесті сұрақтарына жауап беріп, труппаға жаңа қосылған жас мамандарға ыстық ықыласын білдірді.

Жастардың қоғамда қозғаушы күшке ие екендігін тілге тиек еткен басқарма басшысы алдағы күндерге сәттілік тіледі.

Семей ядролық сынақ полигонының жабылуына 30 жыл

2021 жылғы 29 тамызда бүкіл әлемдік қоғамдастықтың даму тарихындағы әрі жаһандық антиядролық қозғалыстағы маңызды оқиға – Семей ядролық сынақ полигонының жабылуына 30 жыл толады.
Семей ядролық полигонында 456 ядролық сынақ жүргізілді, одан бір жарым миллионнан астам адам зардап шекті. 1991 жылғы 29 тамызда Қазақ КСР Президенті Н.Ә. Назарбаев «Семей ядролық сынақ полигонын жабу туралы» Жарлыққа қол қойды.
Қазақстанды ядролық полигонды жабу жөніндегі теңдессіз шешімі үшін әлем мойындады. Қазақстанның бітімгершілік үлгісі 2009 жылғы 2 желтоқсанда БҰҰ Бас Ассамблеясын 29 тамызды «Халықаралық Ядролық сынақтарға қарсы іс-қимыл күні» деп жариялауға септігін тигізді.
Атаулы датаға орай Елбасы кітапханасы Қазақстанның гуманистік миссиясы – ғаламшарды жаппай қырып-жоятын қарудан босатып, ядролық қарудан азат әлем құруға арналған бейнеролик дайындады.