Ж.Аймауытов атындағы Павлодар облыстық қазақ музыка-драма театры індеттен сақтану шараларынан ескере отырып, #BIZBIRGEMIZ акциясын қолдап, медициналық маскалар тігіп, қала тұрғындарына тегін таратқан болатын.
Осы орайда, игі бастамамызға ақпараттық қолдау көрсеткен @tvkhabar24 телеарнасына алғыс білдіреміз!

Дүниежүзілік денсаулық сақтау ұйымының жаңа COVID-19 коронавирусын пандемия деп жариялауына байланысты, ҚР Президенті Қасым-Жомарт Тоқаев еліміз бойынша алдын алу шараларын іске қосқан болатын.
Осы орайда, Ж.Аймауытов атындағы Павлодар облыстық қазақ музыка-драма театры да індеттен сақтану шараларынан шет қалмауда.
Атап айтсақ, театр ұжымы Ұлыстың ұлы күні қарсаңында #BIZBIRGEMIZ акциясын қолдап, медициналық маскалар тігіп, қала тұрғындарына тегін таратты.
Бұл дерт адамзатқа сынақ болып келгені анық. Елдің елдігі - береке бірлігінде! Әлемді алаңдатқан дертке бірге қарсы тұруға, оның таралмауының алдын алу шараларын сақтауға шақырамыз. БІЗ БІРГЕМІЗ!

Ұзын сонар мезгілден үзілмей жеткен, Ана жердің бауыры жіпсіп, қыстың қамыты шешілген, ұлық мейрам Әз-Наурыз құтты болсын.
Күн мен түн теңелген бұл мереке баршамызға құт берекесін дарытып, ырыс несібесін төге келсін.
Құрметті Отандастар!
Сіздерді ұлттық Жаңа жылмен құттықтаймыз!
Айдан аман, жылдан есен шығып, көркейе берейік!

Халықаралық театр сыншылары бірлестігі Қазақстан театрларының 2019 жылғы жұмыс нәтижелеріне сараптама жүргізіп, мониторингін жариялаған болатын.
Қатысқан 43 театр арасында Ж.Аймауытов театры үздік көрсеткіштер көрсетіп өзіндік потенциялын байқата алды.
Атап айтар болсақ:
2019 жылғы БАҚ көзіне іліккен театрлар ішінде үштіктен көрінсе, гастрольдік сапар жасаудан үздік бестікке ілінді.
Сондай-ақ, театртанушы мамандар шақыруда 43 театр арасында 12 орынға табан тіреп, 2019 жылғы премьера ұсыну жөнінде алдыңғы саптан бой көрсете алды.
Әрине, бұл көрсеткіш облыстық театрлар арасында алдыңғы қатарларда екенін білдіретіндей.
Алдағы уақытта, сапамызды арттырып, алдыңғы қатарларға көтерілу жоспарлануда.
Саннан сапаға, стандартты режимге талпыну басты мақсатымыз.

Толығырақ...

Театр репертуары тағы бір сапалы қойылыммен толықты. Естелікке толы, тарихи сәт!
М.Әуезов "Ерте ояндым, ойландым..." /трагедия/
Режиссері - Әділет Ақанов.@adletakanov>

Театрдың кез келген бастамасының жанынан табылып, ақпараттық қолдау көрсетіп жүретін білікті блогер Рымбек Қабиденге ыстық ықыласымызды білдіреміз! @rymbekqabiden еңбегіңіз жана берсін!

Мемлекет басшысы Қасым-Жомарт Тоқаевтың «Абай және ХХІ ғасырдағы Қазақстан» атты мақаласы аясында және ағартушы, қазақ жазба әдебиетінің негізін қалаушы, кемеңгер ойшыл, ақын Абай Құнанбайұлының 175 жылдығына орай, Ж.Аймауытов театры, М.Әуезовтың "Абай жолы" роман-эпопеясының желісімен жазылған "Ерте ояндым, ойландым..." /реж:Ә.Ақанов/ трагедеясының премьерасын халық назарына ұсынды. 

Қойылымды аймақ басшылары бастаған зиялы қауым өкілдері арнайы келіп тамашалады. 

Спектакль өз кезегінде көрермендер тарапынан жоғары бағаға ие болып, ыстық ықыластарына бөленді.

 

ПРЕМЬЕРА! ПРЕМЬЕРА! ПРЕМЬЕРА!

11,12 наурыз, сағат:18:30

М.Әуезов "Ерте ояндым, ойландым..." Сөнбес сәуле, үзілмес үміт...

Абай жол...

Ақын тағдыры тар өткелге тірелседе, адамзат салған жолдан айныған емес. Соқпақты даңғыл санаған тобырдың көрер күні, болашағы не болмақ? 

Бұл Абай қиялын шиырлаған сансыз ойлар. Авторы - Мұхтар Әуезов

Қоюшы режиссері - Әділет Ақанов @adletakanov

Музыкамен көркемдеуші - Елемес Өмірұзақ @lms_8.8

Қоюшы суретші - Ұлан Несіпбай @nessipbay.ulan

Режиссердің ассистенті - Бауыржан Манатбекұлы @baurzhan_manatbekuly 

Байланыс телефоны:

8(7182) 31-02-09

 

Қазақтың Ұлы адамдары жатқан жерлер қашан да қасиетті. Семейден шыққанда ызғырық жел соғып түнеріп тұрған аспан, павлодарлық әртістер Жидебайға келіп, кесене кешініндегі анфитеатрда Абайдың әнін әуелеткеннен кейін жадырап сала берді.  Бұдан кейін Ертіс-Баян өңірінен келген өнерпаздар Абай мен Шәкәрімнің кесенелеріне барып зиярат жасап, аруақтарға дұға бағыштады. Енді, Ұлылар жатқан осынау мемориалды кешені жайлы аз кем ақпарат айтсақ. Кешеннің құрылысы 1993 жылы наурыз айында басталған. Абай Құнанбайұлының 150 жылдық шаралары жоспарына сәйкес жасалып, қазіргі қос мұнаралы «Абай-Шәкәрім» кесенелер кешені ғимаратына айналды. Жер табанынан бес метрлік биіктегі мавзолей алаңының ені 65 метр, ұзындығы - 200 метр. Ал қос арыстың қабірлерінің аралығы - 140 метр. Мұнара құрылысына Маңғыстау жерінен арнайы ақтүсті әк шөгіндісі әкелінген.

Арман Темірбек, Ж.Аймауытов атындағы қазақ музыкалы драма театрының басшысы:

Театр ұжымымен Жидебайға ат басын бұрып Абай атамыздың зиратына тағзым етіп, құран бағыштап және де әртістерімізде сол бір заманды сезінсін дегендей ниетпен келіп отырмыз енді.

Толығырақ...