Театрымыздың негізін қалаушылардың бірі әрі бірегейі, талантты актриса, ҚР мәдениет саласының үздігі Құспан Дина Шайдоллақызы мерейлі 60 жасқа толуна орай,  Павлодар облысы мәдениет, тілдерді дамыту және архив ісі басқармасы  басшының м.а Медет Тауасхан мерейтой иесіне гүл шоқтарын ұсынып, Құттықтау хатын табыс етті.

Павлодар облысы әкімдігінің ұйымдастыруымен, Республика күні қарсаңында “Тәуелсіздік ұрпақтары” жастар арасындағы облыстық байқауының нәтижесінде театрымыздың талантты актері Нұржан Әбіласан “Мәдениет” номинациясы бойынша лауреат атанды.

Қазақстан Республикасының Президенті Қасым-Жомарт Тоқаевтың 2022 жылғы 14 қазандағы жарлығы бойынша театрымыздың аға буын актері, ҚР Мәдениет қайраткері Доспаев Жұмахан Рысқұлұлы Республика күні қарсаңында “Ерен еңбегі үшін” медалімен наградталды.

Бүгін театр ұжымы Астана қаласы әкімдігінің Жастар театры ғимаратында “ELARNA” телеканалының “Ауыл кеші көңілді” бағдарламасының түсіріліміне қатысып, өз өнерін ортаға салды.