Театр кезекті маусымын аяқтады


19 маусымда театр ұжымы Г.Ештанаев пен Р.Ибраеваның «Әбілмансұр. Сабалақ. Абылай» тарихи драмасымен өзінің кезекті маусымының шымылдығын жапты. Бұл маусымда театр репертуарына жаңа 5 қойылым қосылды. Жоғарыда аталған спектакльмен бірге Т.Ахтановтың «Күтпеген кездесу», «Наурыз-думан» және балаларға арналған ертегілері сахналанды. Театр ұжымы мемлекетіміздің мерекелері күндері көрермендерге арнайы салтанатты концерттік кештер сыйлады. Мамыр айында ҚР еңбек сіңірген әртісі Рауза Тәжібаеваның шығармашылық кеші өтті. Гастрольдік сапармен Қарағанды және облысымыздың шалғайдағы ауылдарында болып қайтты.

9-10 маусымда театр ұжымы Цагарелидің «Ханума» және Г.Ештанаев пен Р.Ибраеваның «Әбілмансұр. Сабалақ. Абылай» қойылымдарымен Ақтау қаласында өткен Павлодар облысының мәдениеті және өнері күндеріне қатысты.

Келесі маусым Ж.Аймауытов театрына ерекше болғалы тұр, себебі, желтоқсан айында театрдың 25 жылдығы аталып өтпек. Осы күндері мерейтойға дайындық басталып та кетті.

Құрметті көрермен! Жаңа маусымда кездескенше ел аман, жұрт тыныш болсын!

 

Ж.Аймауытов атындағы қазақ музыкалы драма театрының артисі, ҚР еңбек сіңірген артисі Рауза Ілиясқызы Тәжібаеваның өнер саласында еңбек еткеніне 40 жыл толуын облыс жұртшылығы кең түрде атап өтті. Сіздердің назарларыңызға содан фоторепортаж ұсынып отырмыз.

  rosa-1  rosa-3  

      

 

Театр - Манғыстау облысында

Маусым айының 3-5 жұлдызында Манғыстау облысының орталығы Ақтау қаласында Павлодар облысының мәдениеті күндері өтеді. Бұл шараға Жүсіпбек Аймауытов атындағы қазақ музыкалы драма театрының ұжымы да қатысады. Ақтау қаласының көрермендеріне жерлестеріміз Г. Ештанаев пен Р. Ибраеваның «Әбілмансұр. Сабалақ. Абылай» тарихи драмасын және Цагарелидің «Ханума» музыкалық комедиясын көрсетеді.

Жерлестерімізге сәтті сапар тілейміз.


Ж.Аймауытов тетарының тұңғыш директоры
Б Тапалшиновқа ескерткіш тақта ашылды

 

Тұнғышбай Жаманқұловтың  шеберлік  сағаты

26  ақпанда,  Ж.Аймауытов  атындағы  Павлодар  облыстық  қазақ  музыкалы  драма  театрында  Қазақстан   театр  қайраткерлері  Одағының  төрағасы,  Қазақстан  Республикасының  халық  артисі,  Мемлекеттік  сыйлықтың  лауреаты,  өнертану  ғылымының  кандидаты  Тұғышбай  Жаманқұлов  театр  артистерімен  кездесіп,  шеберлік  сабағын  өткізді. Сондай-ақ,  кездесуге  А.Чехов  атындағы  драма  театрының  артистері  және  С.Торайғыров  атындағы  ПМУ  және  К.Ахметов  атындағы  педагогика  колледжінің  өнертану  факультетінің  студенттері  қатысты.

DSC 0029  DSC 0048  DSC 0106  DSC 0112

 

 

Ж.Аймауытов  театры  Шарбакты 

көрермендерімен   қауышты

 

25  ақпан  күні  Жүсіпбек  Аймауытов  атындағы  облыстық  қазақ  музыкалы  драма  театры  артистері  Шарбақты  ауданы  орталығының  тұрғындарына  өнерлерін  тамашалатты.  Театр  өнеріне  қызығушыларға  М.Байджиевтің  «Тіл  табысқандар»  комедиясы  қойылды.  Ал,  мектеп  оқушылары   «Қасқыр  және  жеті  лақ»  ертегісін  тамашалап,  мәз-мейрам  болды.

Театр  ұжымы  облыстың  басқа  да  аудандарына  гастрольге  шығып,  ауыл  тұрғындарына  өнерлерін  көрсетуді  жоспарлап  отыр.

 

Қойылым қазақ хандығының 550 жылдығына арналады

Ж. Аймауытов атындағы облыстық қазақ музыкалы драма театрында қазақ хандығының 550 жылдығына арналып, Ғ. Ештанаев пен Р. Ибраевалардың «Әбілмансұр» тарихи драма қойылымы сахналауға дайындалуда. Қоюшы режиссер - Жанат Хаджиев, ҚР еңбек сіңірген қайраткері, «Тарлан» сыйлығының иегері. Басты рөлдерді театрдың тәжірибелі әртістері мен қабылетті жастары орындайды.

Бұл спектакльде бүкіл қазақтың басын қосып, бір тудың астына жинаған Абылай ханның балалық және жастық шағы баяндалады.

Жақында қоюшы режиссер және басты кейіпкерлердің образын сомдаушы әртістер спектакльдің дайындығы жайында журналистерге баспасөз конференциясын өткізіп, баяндап берді.

 DSC 0013DSC 0029DSC 0039DSC 0045

Ж. Аймауытов ескерткішіне тағзым

6 ақпан күні - Павлодарда Қазақстан халқы Ассамблеясы жылына орайластырылған Ту көтеру рәсіміне байланысты арнайы эстафета ұйымдастырылды. Айтулы шара Бірлік пен Келісім монументінен басталды. Қазақстан халқы Ассамблеясының мүшелерінен құралған делегация Жүсіпбек Аймауытов атындағы облыстық қазақ музыкалы драма театрының алдындағы қазақ халқының кемеңгер жазушысы, драматург, мемлекет және қоғам қайраткері Жүсіпбек Аймауытов ескерткіші алдына аялдап, тағзым етті, оған өнер ұжымының мүшелері қатысты, одан кейін Мемлекеттік рәміздер алаңы, Ш.Уәлиханов пен Г.Потанин ескерткіші, саяси қуғын-сүргін құрбандары монументі алдында болды.

Эстафета шеруі Достық үйі алаңында Ту көтеру рәсімімен жалғасты. Төмендегі суреттерден  Ж.Аймауытов атындағы облыстық қазақ музыкалы драма театры алдында өткен шара сәттерін көресіздер.

2-23-3 4-4 5-5

 

 

Қазақ хандығының 550 жылдығына арналады

Жүсіпбек Аймауытов атындағы облыстық қазақ музыкалы драма театрының ұжымы Қазақ хандығының 550 жылдығына арнап Ғ.Ештанаев, Р.Ибраеваның «Әбілмансұр» атты тарихи драмасын сахналау үшін дайындыққа кірісті. Қойылым режиссері болып - Қазақстанның еңбек сіңірген қайраткері, халықаралық «Тарлан» сыйлығының иегері Жанат Хаджиев бекіді. Бүкіл қазақ халқын бір тудың астына жинай білген Абылай ханның жастық кезеңінен сыр шертетін бұл қойылымда театрдың ең шебер әртістері ойнайтын болды.

Театр ауылға барды

Жаңа жыл алдында Жүсіпбек Аймауытов атындағы қазақ музыкалы драма театры гастрольдік сапармен Баянауыл ауданына қарасты Бірлік ауылында болып қайтты. Өнер ұжымы жиналғандардың назарына М.Байджиевтің «Тіл табысқандар» атты комедиясын ұсынды.

Облыстық «Сарыарқа самалы» газеті өзінің 25-ші желтоқсандағы санында Бірлік ауылдық мәдениет үйінің директоры Жасқайрат Төлеубековтың хатын жариялады. Онда мәдениет үйінің басшысы : - Қазақы рухтың қайнар көзі саналатын ауылға бір мезгіл ат басын бұру - өнер өкілдерінің парызы. Бұл ретте, Жүсіпбек Аймауытов атындағы театр ұжымына деген алғысым шексіз. Ұсынысымды қабыл алып, ауыл тұрғындарын шығармашылығымен тәнті етті. Өнер ұжымына тек қана табыс тілеймін, - депті.

Газетте сонымен қатар, Жүсіпбек Аймауытов атындағы қазақ музыкалы драма театры директорының орынбасары Дәурен Әділдің ауыл тұрғындарына жолдаған ризашылық пікірі басылған:

- Бірлік ауылында өткен қойылымды көрермендер ыстық ықыласпен қабылдады. Бұл - мәдениетке, өнерге деген құрметтің белгісі. Алдағы уақытта ауылдық жерлерге гастрольдік сапарымыз жалғасатын болады, - дейді Д.Әділ.

Жаңа жылдық шырша көңілді өтуде

jana-jildik-ertengilik

Ж. Аймауытов атындағы облыстық қазақ музыкалы драма театрының әртістері
Павлодар қаласының мектеп оқушыларына Жаңа жылдық шырша алдында ертегі әлеміне саяхат,
қызыққа толы ойындар сыйға тартты. Аяз-ата мен Ақша- қар, Батыл көжек пен Айлакер түлкі,
орман Патшасы арыстан мен Аңқау қасқыр және басқа да ертегі кейіпкері аңдар мен балалар бірігіп,
Жаңа жылды «қаскүнемдер тұтқынынан» құтқарып алады. Қаланың № 14, №2, №35, №22 мектеп оқушылары және облыс орталығының көптеген мекеме, кәсіпорын қызметкерлері мен жұмысшыларының балалары театр әртістері ұйымдастырған шырша шараларын осылай тамашалауда. Биылғы Жаңа жылғы шыршаның ерекшелігі:
негізінен көпбалалы, әлеуметтік аз қамтылған отбасылар балалары, денсаулығы кем және ата-атана
қамқорынсыз тәрбиеленушілер кеңінен тартылуда.

Ата-аналар, мектеп ұстаздары , әсіресе балалалар - осындай мерекелік сыйлықтары үшін театр ұжымына ризалықтарын білдіруде.