Қылмыскерлер

.

Саяси қуғын-сүргін құрбандарына тағзым етілді

31 мамырда бүкіл елімізде тоталитарлық режимнен запа шекккен саяси қуғын-сүргін зардабының құрбандары еске алынып, тағзым етілді, мешіттерде дұға бағышталып, ескерткіштеріне гүл шоқтары қойылды. Павлодар қаласында саяс қуғын-сүргіннің құрбанының бірі қазақ халқының ұлы перзенті, жазушы, драматург, ғалым, мемлекет қайраткері Жүсіпбек Аймауытовтың ескерткіші алдында митинг ұйымдастырылды, облыстық қазақ музыкалы драма театрының ұжымы және қала тұрғындары ескерткішке гүл шоқтарын қойды.

  

Толығырақ...

.

Мәдениет қызметкерлері форумы

20 мамыр күні Ж.Аймауытов атындағы қазақ музыкалы драма театрында облыстық мәдениет және өнер қызметкерлерінің форумы өтті. Оған облыстың мәдениет, өнер және мұрағаттар мекемелерінің қызметкерлері қатысты. Жиналған қауымды Қазақстан Республикасының Мемлекеттік хатшысы Г.Н.Әбдіқалықова және Павлодар облысының әкімі Б.Ж.Бақауов құттықтап, сөз сөйледі.

Мәдениет, өнер және мұрағат қызметкерлері кәсіби мерекесінің шеңберінде өткен байқау жеңімпаздары 5 номинация бойынша марапатталды. Ж. Аймауытов атындағы қазақ театрының жас режиссері Әділет Ақанов «Облыстың үздік театр және концерттік кәсіпорынның қызметкері» номинациясы бойынша жүлдеге ие болып, III дәрежелі дипломмен марапатталды. Сондай-ақ, Ж. Аймауытов атындағы театрдың белді актері Сейітжан Тәжібаевқа «ҚР мәдениет саласының үздік қызметкері» төсбелгісі табыс етілді.

Толығырақ...

.

Театр - ауыл сахналарында өнер көрсетті

Мамыр айында театр әртістері Ақтоғай, Успен, Май аудандарына гастрольге шығып, өз өнерлерін көрсетті. Ауыл жұртшылығы сахна шеберлерінің орындауында М.Байджиевтің «Тіл табысқандар» және Е.Құшуақтовтың «Қызыл алма» комедияларын тамашалады, ал ауыл балалары «Ауылдағы демалыс» спектаклін көріп, театрдың шығармашылық ұжымына дән риза болды.

 

2016 ж. 11 – 13 мамыр күндері ШҚО қазақ Жастар театры Павлодар қаласына кіші гастроль сапарымен келді. Қойылымдары Ж. Аймауытов атындағы қазақ музыка-драма театрында көрсетіледі.

.

Ж.Аймауытов атындағы Павлодар облыстық
қазақ музыка - драма театрында
2016 жылы 7 мамыр күні сағат 15:00-де
Отан қорғаушылар күніне арналған мерекелік концерт өтті.

Көрермендер саны - 250 адам.

Ж.Аймауытов атындағы Павлодар облыстық
қазақ музыка - драма театрында
2016 жылы 9 - мамыр күні сағат 15:00-де
Ұлы Жеңіс мерекесіне арналған
Т.Ахтановтың «Күтпеген кездесу» /драма/ қойылымы қойылды.
 
Көрермендер саны - 110 адам.

 

Аймауытов театры гастрольде

Көршілес Қарағанды қаласында Жүсіпбек Аймауытов атындағы қазақ музыкалы драма театрының гастролі 6 сәуірде Ғ. Ештанаев пен Р. Ыбыраеваның «Әбілмансұр. Сабалақ. Абылай» атты тарихи драмасымен сәтті басталды. Бұл қойылым өткен жылы Қазақ хандығының 250 жылдығына арнайы қойылған болатын. Бұнда қазақ халқының басын тұңғыш бір тудың астына жиып, қосқан Абылай ханның жастық шағы суреттеледі. Театрдың тәжірибелі әртістері Бекболат Оқасов, Талжібек Атамбек, Жұмахан Доспаев, Сейітжан Тәжібаев, Бахаргүл Құрбанова, Гүлжан Омарова, Руслан Нығманов, Ерлан Боранбаев және т. б. өз рольдерін тамаша орындап, көрермен ықыласына ие болды.

Театр гастролі сәуірдің 10-на дейін созылады. Репертуарға тоқталсақ, Қарағандылық театр өнерін сүюші қауымға Т. Ахтановтың «Күтпеген кездесу», қарағандылық драматург К.Жұмабековтің «Адасқандар» драмалары, Э. Филиппоның «Филумена Мартурано» және Е.Құшуақтовтың «Қызыл алма» комедиялары ұсынылады. Ал, кішкене бүлдіршіндер «Маугли» ертегісін тамашалай алады.

 

Халықаралық театрлар күні аталып өтті

DSC 0007Ж. Аймауытов атындағы қазақ музыкалы драма театрында Халықаралық театрлар күні аталып өтті. Шығармашылық ұжымға облыстық мәдениет басқармасы басшысы А. Сәрсенбаева атынан мерекелік құттықтау хат табыс етілді. Бір топ өнер иелері театр әкімшілігі мен кәсіподақ ұйымының мақтау мадақтарымен және ақшадай сыйлықтарымен марапатталды. Олардың ішінде Бейбіт Шәнім, Гүлжанат Омарова, Гүлжан Қайырбекова, Құралай Мұсанова, Аида Садыкова, Қарасай Нүркенов және басқалары бар .

 

 

 

 

 

Кәукен Кенжетаевқа - 100 жыл

Қазақстанның халық әртісі, әнші, режиссер, актер, драматург, профессор Кәукен Кенжетаевтың 100-жылдығы туған өлкесі Павлодар облысында кеңінен аталып өтті. 29 ақпанда облыстық Ж. Аймауытов атындағы қазақ музыкалы драма театрында «Қазақ өнерінің хас таланты» атты мерейтойлық салтанатты кеш өтті. Кеште құттықтау сөзді облыс әкімі аппаратының басшысы Оразғұлов Расул Қабдоллаұлы айтты, сондай-ақ, Т. Жүргенов атындағы өнер академиясының проректоры Күлбаев Аман Бекенұлы, Баянауыл ауданының Құрметті азаматы, ардагер-педагог, ақын Солтанбаев Зекебай Солтанбайұлы, Қазақстанның халық әртісі, К. Кенжетаевтың шәкірті, республикаға кең танымал әнші Майра Илиясова және басқалары өз естеліктерімен бөлісті.

 

Толығырақ...

 

 

«Қара көзілдірікті келіншек»

 

«Қара көзілдірікті келіншек» атты Сабырбек Олжабайдың драмасы Жүсіпбек Аймауытов атындағы театрда сахналанды. Бұл спектакль, театрдың тәжірибелі актері, ҚР мәдениет қайраткері, «Ерен еңбегі үшін» медалінің иегері Бейбіт Шәнімнің тұңғыш режиссерлік еңбегінің нәтижесі еді. Дебют сәтті болды. 24-25 ақпанда қойылымның премьерасы өтті. Көрермендер жоғары баға берді. Премьерада пьесаның авторы, жазушы Сабырбек Олжабай болып, театр ұжымына, қоюшы режиссерға, спектаклге қатысып, ойнаған актерлерге өз ризашылығын білдіріп, рахметін айтты.

 1 20160225 1172155392  5 20160225 1694439447

     

Исраил Сапарбай –

Жүсіпбек Аймауытов театрында болды

 

IMG-20160216-WA0030Ақын, сазгер, драматург, «Парасат» орденінің иегері Исраил Сапарбай Жүсіпбек Аймауытов атындағы қазақ музыкалы драма театрында болып, сахна өнерпаздарымен кездесті. Кешкісін, өзі қазақшаға аударған өзбек  драматургі Е.Құшуақтовтың «Қызыл алма» комедиясын тамашалады.

 

Толығырақ...