Құрметті Қарағанды және Теміртау қаласының тұрғындары мен қонақтары!
Қазан айының 1-2 жұлдызында К.С.Станиславский атындағы орыс драма театрының сахнасында:


Ж.Аймауытов атындағы Павлодар облыстық қазақ музыка-драма театры гастрольдік сапармен өз өнерлерін көрсетеді!
1-қазан сағат 15:00 де және 18:30 да Бердібек Соқпақбаевтың " Балалық шаққа саяхат" драмасы.

2-қазан сағат 12:00 де және 13:30 да Елбасының "Ұлы даланың жеті қыры" мақаласы аясында балаларға арналған Әлібек Байболдың "Жеті ойыншықтың жеңісі" ертегісі, және сағат 18:30 да Бердібек Соқпақбаевтың " Балалық шаққа саяхат" драмасын тамашалай аласыздар!


Сондай-ақ, Теміртау қаласының мәдениет үйінде 3-қазан сағат 10:00 де және 11:30 "Жеті ойыншықтың жеңісі" ертегісін, сағат 14:00 де "Балалық шаққа саяхат" қойылымын ұсынамыз! .

Біз сіздерді асыға күтеміз!

Қазақстан Республикасының Мәдениет және спорт министрлігі және Шығыс Қазақстан облысы әкімдігінің қолдауымен, Қазақстан театрлары ассоциациясының ұйымдастыруымен Қазақстанның халық артисі, Мемлекеттік сыйлықтың лауреаты, көрнекті театр және кино актрисасы Әмина Өмірзақованың 100 жылдығына арналған Қазақстан драма театрларының XXVII республикалық театр фестивалі өз мәресіне жетіп, "Үміт" номинациясы бойынша "Балалық шаққа саяхат" қойылымының режиссері Жангелді Садықов марапатталды.
Осы ретте, фестиваль ұйымдастырушыларына театр ұжымы атынан үлкен алғыс білдіреміз.
Театрымыздың талантты режиссері Жангелді Садықовқа үміт артып, алдағы күндерге қанат байлағандарыңызға разылығымызды жеткізгіміз келеді!

Құрметті Жангелді Амангелдіұлы!
Сізге алдағы уақыттарда шығармашылық жеңіс, толағай табыстар тілейміз. Шабытыңыз шарықтай берсін!

Ізгі ниетпен театр ұжымы!

Толығырақ...

Фестивальдағы қойылымнан кейінгі әсерлі сәттің бірі.
Семейлік театр сүйер көрермендердің ыстық ықыласы, қошеметі ерекше болды. Олардың толассыз соққан шапалақтарынан осыны аңғардық. Тіпті, көрермен залында ине шаншырға орын болмағаны актерларға дем бергендей. Бізге қолдау көрсеткен барша Семей қаласы тұрғындарына және қонақтарына Ж.Аймауытов театрының және Ертіс-Баян өңірінің атынан алғыс айтамыз!
Қасиетті @abai_teatry театрының сахнасында өнер көрсету үлкен бақ деп білеміз!

Әмина Өмірзақованың 100 жылдығына арналған Қазақстан драма театрларының XXVII республикалық театр фестивалінде театр ұжымы жоғары дәрежеде ойын көрсетіп, сарапшылар тарапынан оң бағасын алды.

толығырақ

 

Әмина Өмірзақованың 100 жылдығына арналған Қазақстан драма театрларының XXVII республикалық театр фестивалінің әділ-қазылар алқасы Б.Соқпақбаевтың "Балалық шаққа саяхат" драмасынан кейінгі әсерлерімен, тілек лебіздерімен бөлісті.

Әмина Өмірзақованың 100 жылдығына арналған Қазақстан драма театрларының XXVII республикалық театр фестивалінің
әділ-қазылар алқасының төрағасы:
КСРО және Қазақстанның халық артисі, "Қазақстан Еңбек Ері" КСРО және Қазақстан мемлекеттік сыйлықтарының лауреты,
Қазақстан Театрлар Ассоциациясының президенті, театр және кино актері, режиссер, профессор - Асанәлі Әшімов.

Театр және кино актрисасы, Қазақстан республикасының еңбек сіңірген артисі, "Парасат" және "Құрмет" ордендерінің иегері -Меруерт Өтекешова

Әдебиет және театр сыншысы, мәдени сарапшы, Қазақстанның еңбек сіңірген қайраткері - Әлия Бөпежанова

Өнертану докторы, театртанушы, Т.Жургенов атындағы Қазақ Ұлттық Өнер академиясының профессоры, "Құрмет" орденінің иегері - Бақыт Нұрпейіс.

Ақын, Қазақстан Мемлекеттік сыйлығының лауреты - Тыныштықбек Әбдікәкім.

Алмалы Алатаудың төрінен қазақ театр өнерінің қарашаңырағы әрі темірқазығы іспеттес М.Әуезов атындағы қазақ мемлекеттік академиялық драма театры Ертіс-Баян өңіріне табан тіреді. Ұлттық өнерді өркендету жолында Павлодар жеріне ат басын бұруы ел мерейінің үстемдеуі деп білеміз. 
Өнер ордасының алқалы көшін Ж.Аймауытов театрының көркемдік жетекшісі Жуасбек Ерлік бастаған театр ұжымымен бірге, Павлодар облыстық БАҚ өкілдері және Ертіс-Баян елінің азаматтары қазақ дәстүрі бойынша, шашу шашып, думандатып қарсы алды.
Сондай-ақ, әріптестерімізді қолдау  мақсатында Е.Жуасбек "Ертіс" телеарнасы арқылы Павлодар халқын М.Әуезов театрының қойылымдарын тамашалауға шақырды. 
Алдағы уақытта сіздерге рухани байлық, естен кетпес әсер сыйлайтынына сеніміміз кәміл! 
Келіңіздер көріңіздер!

 

Толығырақ...

Сіздерді Ж.Аймауытов атындағы Павлодар облыстық драма театры, Абай атындағы мемлекеттік қазақ музыкалық драма театрының сахнасында қыркүйек айының 24-жұлдызында, сағат 19:00 де асыға күтеді!
Қазақстанның халық әртісі, Мемлекеттік сыйлықтың лауреаты, "Отан" орденінің иегері, аңыз актриса - Әмина Өмірзақованың 100 жылдығына арналған 20-25 қыркүйек аралығында өтетін Қазақстан драма театрларының XXVII Республикалық фестиваліне қатысатын: Б.Соқпақбаевтың "Балалық шаққа саяхат" драмасын тамашалауға шақырамыз!
Қоюшы-режиссер: Ж.Садықов @zhangeldysadykov

Павлодар облысы мәдениет, тілдерді дамыту және архив ісі басқармасының қолдауымен, Бұқар жырау атындағы әдебиет және өнер музейінің ұйымдастыруы бойынша, жазушы Ж.Аймауытовтың 130 жылдығына орай "Күнекейдің жазығы" повесінің желісі негізінде этнографиялық экспедиция жолға шықты.
Экспедиция басы Ж.Аймауытов атындағы қазақ музыка-драма театры алдындағы жазушы ескерткішіне гүл шоқтарын қою рәсімінен басталды. Экспедиция барысында шығарма желісі бойынша сегіз елді-мекенге тоқтап, ауыл тұрғындарымен тілдесіп, ескі жолды жаңғыртып, мағлұматтар жинақтау.
Экспедиция құрамында республикамызға танымал ақын-жазушылар, өлкетанушылар және С.Торайғыров атындағы ПМУ мен ПМПУ профессорлары қатысады. Экспедиция өтетін ауылдар: Баянауыл-Ескелді, Бесқауға, Әйтен, Жарсор, Майсор, Шиқылдақ, Екібастұз.
Жүріп өтетін қашықтық - 411км ⚜ Тағлым тарихын зеріктеуші топқа Ж.Аймауытов театры ұжымы сәт сапар тілейді.

Толығырақ...


Б.Соқпақбаев " Балалық шаққа саяхат" /реж.:Ж.Садықов/ драмасы.
Көрермендердің ыстық қошеметі!