ПРЕМЬЕРА

 

Құрметті Павлодар қаласының тұрғындары және қала қонақтары! Сіздерді Ж.Аймауытов атындағы қазақ музыка-драма театры Ш.Айтматовтың "ЖӘМИЛА" драмасының тұсаукесеріне шақырады!

«Адамзаттың Айтматовы» атанған ұлы жазушы Ш.Айтматовтың «Жәмила» повесінің желісі бойынша сахналанған қойылымда мөлдір махаббат пен шынайы сезім көрініс тауып, қайсар Жәмиланың тағдыры бейнеленеді.
Ауыр жылдардың жаңғырығы әйел болмысына ойран салып, тағдырын шимайласада да жүрегінің үзілмеген әні үмітіне дем берді. Жәмиланың жаны ақ бұлттан жаралғандай кіршіксіз болса, мейірімі күннен таралғандай сәулелі еді.
Табиғаты сыршыл, ақын жанды Жәмиланың сезімі мен сенім биігінде жолыққан Даниярдың махаббаты жарыққа жетеледі. Қараңғылықтан арашалады. Қос ғашық сөздеріне берік, сезімдеріне адал бола білді. Олар таптаурындылықтың қамытын шешіп, жарқын болашаққа қадам басты.
♦️24.03.21
♦️25.03.21
18:30
Қоюшы режиссері - Жангелді Садықов @zhangeldysadykov
Қоюшы суретші - Ұлан Несіпбай @nessipbay.ulan
Балетмейстер - Талғат Хандсурен
Режиссердің ассистенті - Талжібек Атамбек @talzhaa