33-маусымының шымылдығы ашылады

«Ревизор». Жүсіпбек Аймауытов атындағы театрдың жаңа маусымы ерекше болмақ

Бүгін Павлодар облыстық Жүсіпбек Аймауытов атындағы Қазақ музыкалы-драма театрының кезекті 33-маусымының шымылдығы ашылады, деп хабарлайды Pavlodarnews.kz тілшісі.

Театрдың әдебиет және драма бөлімінің меңгерушісі Нұркен Тұрлыбек әңгімелеп бергендей, биылғы маусым, бірінші кезекте, барлық санитарлық-эпидемиологиялық талаптардың сақталуымен өткізілетін болады.

- Театр көрермендердің 30 пайызын қамтитын болады, - дейді ол. - Өнер сүйер қауым театрға «Ashyq» мобильдік қосымшасы арқылы кіргізіледі. Оған қоса, актерлердің 100 пайызы вакцинациядан өтті, яғни біз сіздермен барлық санитарлық талаптарды сақтай отыра қауышатын боламыз.

Жаңа маусым орыс жазушысы Николай Гогольдің «Ревизор» комедиясымен ашылады. Одан бөлек көрермендер қыркүйек айында Ерсайын Төлеубайдың «Кербез келіндер», Шыңғыс Айтматовтың «Жәмила», Георгий Хугаевтың «Қара шекпен» және басқа да драматургтердің спектакльдерін тамашай алады.

17-21 қыркүйек аралығында театр ұжымы Көкшетауда өтетін аймақтық театр фестиваліне аттанады.

Театр жаңа әртістермен толығуда. Мәселен ұжымға Баянауыл ауданының тумасы «Шабыт» ұлттық өнер университетінің түлегі Темірлан Мұқатай келіп қосылды.

- Театр - ол көрерменмен театр, - дейді Нұркен Тұрлыбек. - Актер сіздердің шапалақтарыңызбен шабыттанады, ыстық ықыластарыңызға ғашық. Осы ретте баршаңызды 33-ашылуына шақырамыз. Келіңіздер, көріңіздер!

Жаңа маусымның премьералық қойылымы 14-15 қыркүйекте сағат 18:30-да басталады.
@qaz.pavlodarnews.kz

Абай 175: Павлодарда «Ерте ояндым, ойландым..» қойылымының премьерасы өтті

Айгүл Жүсіпова

Фото: автор

 

Ж.Аймауытов атындағы қазақ музыкалық драма театры көрермен назарына «Ерте ояндым, ойландым..» трагедиясын ұсынды, деп хабарлайды pavlodarnews.kz тілшісі.

 

Толығырақ: Абай 175: Павлодарда «Ерте ояндым, ойландым..» қойылымының премьерасы өтті

Театр үздік атанды

Павлодардағы қазақ театры аймақтық театрлар фестивалінде үздік атанды

Көкшетау төрінде өткен III аймақтық театрлар фестивалінде облыстық Ж.Аймауытов атындағы қазақ музыка-драма театры "Үздік режиссерлық жұмыс" аталымын жеңіп алды, деп хабарлайды Pavlodarnews.kz тілшісі.

Ел Тәуелсіздігінің 30 жылдығы және Шахмет Құсайынов атындағы Ақмола облыстық қазақ музыкалық - драма теарының 25 жылдығына орай 17-20 қыркүйек аралығында Көкшетау қаласында өткен III аймақтық театрлар фестиваліне аймағымыздағы қазақ өнерінің қарашаңырағы болатын театр труппасы өнер көрсетті.

Сонымен қатар, фестивальде Қарағанды, Қостанай, Петропавл қалаларындағы облыстық қазақ театрлар да өнер көрсетті.

Ж.Аймауытов атындағы қазақ музыка-драма театры 33-ші театр маусымының шымылдығын түрген Н.Гогольдің "Ревизор" комедиясымен қатысты.

- "Ревизорды" сахналаған театрымыздың бас режиссері Әділет Ақанов. Бұл қойылымды павлодарлық көрермен ұзақ күтті. Жергілікті көрермен жылы қабылдаған комедиялық қойылымымыз аймақтық театрлар фестивалінде жүлдесіз қалмады. Фестиваль барысында біздің ұжым жеңіп алған аталымнан бөлек, "Ең үздік ансамбль", "Ең үздік сценография", "Ең үздік қойылым" аталымдары сарапқа салынды. Барлық театр ұжымы керемет өнер көрсетті, - деді Ж.Аймауытов атындағы қазақ музыка-драма театрының директоры Арман Темірбек.

Театр басшысының айтуынша, өнер ұжымы Көкшетаудан қос жүлдені еншілеп келеді.

- Тағы бір атап өтетін дүние біздің шығармашылық ұжым аталмыш фестиваль аясында ұйымдастырылған волейбол турнирінде де дараланып, бас жүлдені жеңіп алды. Жалпы, бұл фестивальге біздің ұжымнан 30-ға жуық адам келді, - деді ол.

Үздік атанған өнер ұжымдары арнайы дипломдармен және ақшалай сертификаттармен марапатталды.

Еске сала кетейік, "Ревизор" қойылымын сахналаған режиссер Әділет Ақанов Гогольдың 185 жыл бұрын жазған комедиясы арқылы көпшілікке ой салуды мақсат еткенін айтқан болатын.

Хабар24 телеарнасына және Қасиетова Қарлығаш Мұратқызына алғыс білдіреміз!

М.Әуезовтың "Ерте ояндым, ойландым..." қойылымының премьерасына ақпараттық қолдау көрсеткен @tvkhabar24 телеарнасына және Қасиетова Қарлығаш Мұратқызына алғыс білдіреміз!

Нұржан Әбіласан жайында

"Ертіс" телеарнасы театрымыздың актері Нұржан Әбіласан жайында арнайы дайындаған бейне материалын ұсынамыз!

Қуыршақ қойылымы ұсынылды

 

Айгүл Жүсіпова

 

Фото: Серік Қапаров

 

Павлодарда алғаш рет қуыршақ қойылымы көрермен назарына ұсынылды. 3 жастан асқан балаларға арналған қойылымның режиссері және авторы Семей қаласы Абай атындағы театрдың режиссері Айдын Салбан, деп хабарлайды pavlodarnews.kz тілшісі.

- Өкінішке орай, біздің театрымызға келмегендер арасында 40-50 жасқа келген тұрғындар да бар, - дейді театрдың әдеби-драма бөлімінің меңгерушісі Нұркен Тұрлыбектегі. – Осы орайда, балаларды кішкентай кезден бастап театрға баулу мақсатында 3 жастан асқан балаларға осындай қуыршақ қойылымын ұсынып отырмыз. Қойылым сюжеті бойынша кішкентей бала өзінің ойыншықтарын жақсы көреді. Кейін ата-анасы оған ұялы телефонды сыйға тартады. Кішкентай бала телефонның қызығына кіріп, ойыншықтарынан бас тартады. Сондай-ақ ата-анасын сыйлаудан қалады, тыңдамайды. Былайша айтқанда, роботқа айнала бастайды. Уақыт өте ойыншықтар баланы құтқарамыз деп шешеді. Яғни ұялы телефон мен ойыншықтар арасында тартыс болады. Соңында ойыншықтар жеңіп шығып, бала ұялы телефоннан бас тартады.

«Ойыншықтар» деп аталатын қойылымда 8 кейіпкер бар.

Қойылымда ақтөс деген итті қуыршақ арқылы ойнататын актер Бекнұр Дастан ертегі балаларды телефонның шырмауыннан алып шығуға әсерін тигізеді деп санайды.

Толығырақ: Қуыршақ қойылымы ұсынылды